Dä Samichlaus und Schmutzli freuet sich uf diä baldigi Chlausziit 2026. Jetzt sind mir Zwei aber no i dä Summerpausä.
Mir wünschet eui au en ganz schöne warme und sunnigä Summer.
Bis bald.
Liebi Grüess
Din Samichlaus & Schmutzli
...und au es ia-ia-Grüessli vo üsne Eseli Isabella und Don Juan
Au s'letschte Jahr sind mir mit dä Chind zämme Zug gfahre. Au i dem Jahr fahret mir wieder Zug - chömed doch au! Une es Video vo üsere Fahrt im 2023.
Provisorischi Chlausdatä 2026.
Chlausizug in Volketswil!
Sunntig, 22. Novämber 2026
Dä Chlausiizug endet in dem Jahr wieder im Dorfkern im Quartier vo dä Au!
Dä Samichlausiizug isch am 17.30 Uhr.
Dä Wiehnachtsmärt isch i dem Jahr am Samstig, 21. und am Sunntig, 22. Novembär 2026 wieder im Dorfkern im Quartier vo dä Au.
Chlaushüüsli
Samschtig, 28. und
Sunntig, 29. Novämber 2026
sChlaushüüsli isch a dene beide Täg vom 11 - 16h offä und du chasch go luegä wiä ich, dä Schmutzli und dEseli läbet.
Ohni Ameldig.
Huusbsüech
Vom Mittwuch, 02. bis Zischtig, 08. Dezämber 2026
I dere Ziit bsuechet ich und dä Schmutzli dich dihei.
Du chasch üs bstellä und mir chömed am
Samstig + Sunntig ab 16 Uhr
Mäntig bis Friitig ab 18 Uhr
Klick uf "mich bestellä" und dänn chusch du sFormular über.
Wichtig:
--> Din Huusbsuech dihei chasch au übers Kontakformular "Mich bstellä" ab em Mäntig, 19. Oktobär 2026 afröge. Du chunsch dänn es Formular zum usfüllä zrugg über und "nur's retourniertä Formular" (per Post oder Email) gilt dänn als definitivi Ameldig.
Chlausofon is Waldhüsli: 043 399 57 40 - erscht ab em Samstig, 21. Novämber 2026 aktiv!